All Information In Gujarati

BY: WWW.KAMALKING.IN

બીટના આયુર્વેદિક અને ઔષધિય ઉપયોગ, સેવન, ગુણ અને ફાયદા

BEET ROOT JUICE USE AND BENEFITS

બીટના આયુર્વેદિક અને ઔષધિય ઉપયોગ, સેવન, ગુણ અને ફાયદા

            બીટ 

     ઑક્સીજન વધારી લોહીની કમી દૂર કરવા ઉપરાંત 50થી વધુ રોગોનો કાયમી સફાયો કરતો અસરકારક ઉપચાર છે આનું સેવન..

BEET ROOT JUICE USE AND BENEFITS


બીટ સ્વાસ્થ્ય માટે ખૂબ ફાયદાકારક હોય છે. ડૉક્ટરથી લઇને ઘરમાં વૃદ્ધ દાદા દાદીનું માનવું છે કે બીટનો જ્યુસ, અથવા એને સલાડના રૂપમાં ખાવાથી હંમેશા જવાન મહેસૂસ કરો છો. તેની અંદર ભરપૂર માત્રામાં કાર્બોહાઈડ્રેટ અને પ્રોટીન હોય છે તથા તેની અંદર ખૂબ જ નહિવત માત્રામાં ચરબી હોય છે.

આથી તેનું જ્યુસ બનાવી તેનું સેવન સર્વશ્રેષ્ઠ માનવામાં આવે છે. બીટ પ્રાકૃતિક સુગરનો સૌથી સારામાં સારો સ્ત્રોત માનવામાં આવે છે. તો આજે અમે તમને જણાવીશું બીટના ફાયદાઓ વિશે.

બીટમાં ભરપૂર માત્રામાં પોટેશિયમ રહેલું છે. જેના કારણે શરીરમાં સ્નાયુઓમાં વધુ સારી રીતે કાર્ય કરે છે. શરીરમાં પોટેશિયમના અભાવને કારણે નબળાઈ, ખંજવાળ અને થાક દૂર થાય છે.

જો તમારા શરીરમાં કોલેસ્ટેરોલનો સ્તર વધી જાય છે તો બીટનો રસ તમારા માટે ખૂબ ફાયદાકારક સાબિત થાય છે.બીટ એનિમિયાથી પીડિત લોકો માટે એક વરદાન તરીકે કામ કરે છે.

ગર્ભવતી મહિલાઓ માટે પણ બીટ ખુબ ફાયદામાં છે. બીટમાંથી ઉચ્ચ માત્રામાં ફોલિક એસીડ પ્રાપ્ત થાય છે. આ પોષક તત્વ ગર્ભવતી મહિલાઓ અને તેમના ન જન્મેલા બાળક માટે ખુબફાયદાકારક છે.

કારણ કે, તેનાથી ન જન્મેલા બાળકના મેરુદંડ બનવામાં મદદ કરે છે. આ ઉપરાંત ગર્ભાવસ્થા દરમિયાન ગર્ભવતી મહિલાઓ તે ખુબ જ ઉર્જા આપે છે.

જો આપણને ખુબ થાક લાગતો હોય તો બીટથી પણ થાક ઓછો થાય છે. બીટથી એનર્જી વધે છે. તેના નાઈટ્રેટ તત્વ ધમનીઓને વિસ્તારવામાં મદદ કરે છે.

ALSO READ::
સરકારી યોજનાઓની જાણકારી | આરોગ્યની કાળજી રાખવાની રીતો

જેનાથી શરીરના દરેક અંગોમાં ઓક્સિજન વ્યવસ્થિત રીતે પહોંચાડી દે છે. અને તેનાથી શરીરમાં ઉર્જાનું પ્રમાણ વધે છે. આ ઉપરાંત તેમાં આર્યન હોય છે. જે શક્તિ વધારવાનું કામ કરે છે.

બીટના પાંદડાનો રસ થોડા દિવસો સુધી લગાતાર રીતે માથા પર લગાવવાથી માથામાં પડેલી ટાલ દુર થાય છે.

બીટના પાંદડામાં હળદર ભેળવીને તેને વાટીને માથા પર લગાવવાથી માથાના વાળ ખરતા બંધ થાય છે અને જેના લીધે ટાલ પણ મટે છે. ઘણીવાર માથાની દેખભાળ નહિ રાખવાથી માથામાં ઊંદરી, ખોડો અને વાળ ન ધોવાથી રૂચી અને માથામાં જૂ અને લિખો પણ દુર થાય છે.

બીટમાં વિટામીન અને મિનરલ્સ હોય છે જેમાં વિટામીન સી પણ છે જેના લીધે મોતીયોની બીમારી દુર કરવામાં પણ બીટ ખુબ જ ફાયદાકારક છે.

આંખોની સમસ્યા દુર કરતા અનેક તત્વો આવેલા હોવાથી મોતિયાની સમસ્યામાંથી પણ છુટકારો અપાવી શકે છે. બીટના મૂળને લઈને તેને ઘી સાથે 21 દિવસ સુધી સેવનકરવાથી મસા મટે છે. આ સિવાય બીટનો ઉકાળો કરીને 10 થી 30 મિલી માત્રામાં ભોજન પહેલા 1 કલાકે પીવાથી તથા રાત્રે સુતા સમયે પીવાથી કબજિયાત મટે છે.

બીટ ની અંદર રહેલા વિટામિન અને મિનરલ્સ હૃદયને સ્વાસ્થ્ય રાખવાનું કામ કરે છે. તેથી હૃદયના દર્દીઓ માટે બીટ નુ સેવન એ ખુબ જ લાભકારી છે. હૃદય એ આપણું અભિન્ન અંગ છે તેથી તેને સાફ રાખવા માટે રોજ એક કપ બીટનો રસ પીવો જોઇએ. બીટનું જ્યુસ પીવાથી ઊંચું ટેન્શન અને હાર્ટએટેક જેવી બીમારીનો ખતરો ઓછો થાય છે. સાથે તે લોહીના પરિભ્રમણમાં પણ મદદ કરે છે.

બીટમાં ઉચ્ચ માત્રામાં નાઈટ્રેસ આહારના રૂપમાં ઉપયોગ કરવાથી મગજ સુધી ઓક્સીજન પહોંચવો સરળ બને છે. નાઈટ્ર્સના કારણે રક્ત વાહિકાઓની પહોળાઈ વધે છે અને ઓક્સીજન જરૂરિયાત વાળી જગ્યાઓ સુધી પહોંચે છે અને તેનું પ્રમાણ પણ વધે છે. બીટ મગજમાં ઓક્સિજનનો પ્રવાહ બનાવી રાખે છે જેના લીધે નિયમિત રીતે પરિભ્રમણ કરી શકે છે. બીટમાં કોલીન નામનું પોષકતત્વ હોય છે જે શરીરની યાદશક્તિ તેજ બનાવે છે જેથી પાગલપન જેવી સમસ્યા પણ દુર રહે છે.

જે લોકોને બ્રેસ્ટ કે પ્રોસ્ટેટ કેન્સર હોય છે. તેઓ જો બીટનું સેવન કરે તો તેના ટ્યુમરની વધવાની ગતિ 12.5% ઓછી થઇ જાય છે. જે લોકોને કેન્સર જેવી ગંભીર બીમારી નથી તે લોકો બીટનું સેવન કરી કેન્સરના જોખમને ટાળી શકાય છે. બીટમાં સારી માત્રામાં ફાયબર આવેલુ છે જે પેટ સંબંધી બીમારીઓ જેમકે કબજિયાત, હરસ મસા માટે ફાયદાકારક છે.  રાત્રે સુતા પહેલા એક ગ્લાસ બીટનો રસ પીવાથી શરીરની પાચનશક્તિ વધે છે.

ગરમ ચીજ ખાવાથી કે પીવાથી અથવા બીજી ઝેરીલી વસ્તુ ખાવાથી મોઢામાં ચાંદી કે ફોડલીઓ થઈ જાય છે.

આ સમસ્યા દુર કરવા માટે બીટના પાંદડાનો રસ કાઢીને તેનો અથવા તેના પાનને વાટીને તેનો ઉકાળો બનાવીને તે રસ દ્વારા કોગળા કરવાથી દાંતના દુખાવા અને રોગ તેમજ મોઢામાં થયેલી ચાંદી દુર થાય છે.

બીટના રસના 1 થી 2 ટીપા નાકમાં નાખવાથી અડધા કપાળમાં દર્દ કે દુખાવો થતો હોય તો તે નાબુદ થાય છે. આ રોગને મોટા ભાગે આધાશીશી પણ કહેવામાં આવે છે.

બીટને પાણીની અંદર ઉકાળી લઈ અને ત્યારબાદ તેને ગાળી લો. હવે આ પાણીને કોઈપણ જગ્યાએ થયેલા ફોડકામાં બળતરા અથવા તો ખીલની જગ્યાએ ઉપયોગ કરવામાં આવે તો તેના કારણે ત્વચા સંબંધી આ દરેક સમસ્યાઓ દૂર થઈ જાય છે.

Share:

રાશન કાર્ડ ધારકો માટે ‘Mera Ration app’ લોન્ચ કરવામાં આવી.

રાશન કાર્ડ ધારકો માટે ‘Mera Ration app’ લોન્ચ કરવામાં આવી.



કેન્દ્ર સરકારની તરફથી રાશન કાર્ડ ધારકો માટે ‘Mera Ration app’ લોન્ચ કરવામાં આવી

આ એપની મદદથી તમને રાશન લેવામાં સરળતા રહેશે

વે તમારે રાશન લેવા માટે લાંબી લાઈનમાં ઊભા રહેવાની જરૂર નથી. તમે ઘરેબેઠા તમારા મોબાઈલ દ્વારા જ રાશન બુક કરાવી શકો છો. કેન્દ્ર સરકારની તરફથી રાશન કાર્ડ ધારકો માટે ‘Mera Ration app’ લોન્ચ કરવામાં આવી છે. આ એપની મદદથી તમને રાશન લેવામાં સરળતા રહેશે. મેરા રાશન એપ ભારત સરકાર દ્વારા શરૂ કરવામાં આવેલી વન નેશન વન રાશન કાર્ડ યોજનાનો હિસ્સો છે. જાણો કેવી રીતે ઘરેબેઠા તમે રાશન બુક કરાવી શકો છો.

​​​​​​​મેરા રાશન એપ ડાઉનોલડ કરો

સૌથી પહેલા Google Play Store પર જવું.

ત્યારબાદ સર્ચ બોક્સમાં મેરા રાશન એપ સર્ચ કરો

મેરા રાશન એપને ડાઉનલોડ કરીને ઈન્સ્ટોલ કરો

મેરા રાશન એપને ઓપન કરો.

તમારા રાશન કાર્ડની ડિટેઈલ દ્વારા રજિસ્ટ્રેશન કરો.

પણ વાંચો:: વિવિધ સરકારી યોજનાઓની જાણકારી


મેરા રાશન એપના ફાયદા-

પ્રવાસી લોકોને સૌથી વધારે ફાયદો થશે

આ એપથી રાશનની દુકાન અંગે સચોટ જાણકારી મળશે

રાશન કાર્ડ હોલ્ડર્સ તેમના સૂચનો શેર કરી શકે છે

રાશન લેવા સંબંધિત તમામ જાણકારી મળશે

કાર્ડ હોલ્ડર્સ મળતા અનાજ વિશેની જાણકારી જાતે મેળવી શકશે

તમામને સરળતાથી રાશન ઉપલબ્ધ થશે.

તમારી નજીકની દુકાન વિશે પણ જાણકારી મળશે
મેરા એપ રાશન એપની મદદથી યુઝર્સ ટેપ કરીને નજીકની વ્યાજબી કિંમતની દુકાન વિશે જાણકારી મેળવી શકશે. તે સિવાય યુઝર્સ તેમની યોગ્યતા અને તાજેતરમાં કરવામાં આવેલા ટ્રાન્ઝેક્શનની ડિટેઈલ પણ જોઈ શકશે. અત્યારે આ એપ હિન્દી અને અંગ્રેજી ભાષામાં ઉપલબ્ધ છે. તે ઉપરાંત સૌથી મહત્ત્વની બાબત એ છે કે આ એપથી એ જાણકારી પણ મળશે કે ક્યારે અને કઈ દુકાનમાંથી રાશન લીધેલું છે. ​​​​​​​

કયા લોકોને ફાયદો મળશે?
આ ઓફર બાદ, ફૂડ સેક્રેટરી સુધાંશુ પાંડેના જણાવ્યા પ્રમાણે, નવી મોબાઈલ એપનો હેતુ NFSAના લાભાર્થીઓ, ખાસ કરીને પ્રવાસી લાભાર્થીઓ, ફેર પ્રાઈઝ શોપ અથવા રાશન દુકાનના ડીલરો અને અન્ય શેરહોલ્ડરો વચ્ચે ONORC સંબંધિત સેવાઓ સુવિધાજનક બનાવવાનો છે.

નવી દિલ્હી: કોરોના વાયરસના (Coronavirus) બીજા વેવને પગલે કેન્દ્ર સરકારે (Central Government) ગરીબ પરિવારોને મફત અનાજ (Free Ration) આપવા ફરી એકવાર મોટો નિર્ણય જાહેર કર્યો છે. પ્રધાનમંત્રી ગરીબ કલ્યાણ અન્ના યોજના (PM Gareeb Kalyan Ann Yojana) હેઠળ હવે રેશનકાર્ડ ધારકો મે અને જૂન મહિનામાં વ્યક્તિ દીઠ 5 kg કિલો વધુ ચોખા-ઘઉં લઈ શકશે.

80 કરોડ લોકોને મળશે લાભ
કેન્દ્રીય ગૃહ મંત્રી અમિત શાહે ટિ્‌વટ કર્યું હતું કે, કોરોનાની વધતી અસરને ધ્યાનમાં રાખીને રૂ. 26,000 કરોડથી પ્રધાનમંત્રી નરેન્દ્ર મોદીને પ્રધાનમંત્રી ગરીબ કલ્યાણ યોજના હેઠળ બે મહિના માટે 5 કિલો અનાજ આપવાના નિર્ણય અંગે હું અભિનંદન પાઠવું છું. આનાથી દેશના આશરે 80 કરોડ લોકોને ફાયદો થશે. મોદી સરકાર આ આફતમાં દરેક પગલાની જનતાની સાથે ઉભી છે.

कोरोना के बढ़ते प्रभाव को देखते हुए ₹26,000 करोड़ से प्रधानमंत्री गरीब कल्याण योजना के अंतर्गत दो महीने तक 5 किलो अनाज देने के निर्णय पर @narendramodi जी का अभिनंदन करता हूँ। इससे देश के करीब 80 करोड़ लोगों को लाभ मिलेगा। मोदी सरकार इस आपदा में हर कदम देशवासियों के साथ खड़ी है।

— Amit Shah (@AmitShah) April 23, 2021
રાજ્યોએ આર્થિક પેકેજની કરી માંગ
પીએમ નરેન્દ્ર મોદીએ (Narendra Modi) આ જાહેરાત એવા સમયે કરી છે જ્યારે ઘણા રાજ્યોએ કેન્દ્ર સરકાર પાસે આર્થિક પેકેજની માંગ કરી રહ્યા છે. શુક્રવારના તમામ રાજ્યો સાથે થયેલી મીટિંગમાં ઘણા મુખ્યમંત્રીઓએ આ માંગ કેન્દ્ર સમક્ષ રાખી હતી. તેમણે કહ્યું કે, કોરોનાથી બચવા માટે કડક પ્રતિબંધો લગાવી રહ્યા છીએ. જેનાથી અર્થવ્યવસ્થાને નુકસાન પહોંચ્યું છે અને લોકોની સામે ભૂખનું સંકટ ઉભુ થઈ રહ્યું છે. આ કારણે કેન્દ્રએ આજથી ફ્રી અનાજની જાહેરાત કરી છે.

Share:

બિલી (બિલીપત્રના ઉપયોગ) ના ઔષધિય ગુણ અને ફાયદા

🍈બીલી: ઔષધિય ગુણધર્મો અને ઉપયોગો🍈🍈🍈

BENEFITS OF BILI (BILIPATRA LEAVES) TREE


બીલી વૃક્ષ અન્ય વૃક્ષની તુલનામાં વધારે પ્રમાણમાં ઓક્સિજન વાતાવરણમાં છોડે છે. તેમજ રાસાયણિક પ્રદૂષકો માટે ફિલ્ટર તરીકે પણ કામ કરે છે. બીલી એક ચમત્કારીક વૃક્ષ છે , કારણ કે વૃક્ષના દરેક ભાગ જેવા કે ફળો (કાચા અને પાકા બંને), પાંદડા, ફૂલ, બીજ, છાલ વગેરેમાં ફાયદાકારક પોષકતત્વો તથા બાયોએક્ટિવ સંયોજનો રહેલા છે. બીલી પોષકતત્વોથી ભરપૂર છે. 

બીલીનું ઉદ્દભવસ્થાન એશિયા છે, જેમાં મુખ્યત્વે ભારત ઉપરાંત શ્રીલંકા, મ્યાનમાર, પાકિસ્તાન, બાંગ્લાદેશ, નેપાળ, થાઇલેન્ડ, વિયેતનામ અને કંબોડિયાનો સમાવેશ થાય છે. ભારતમાં ઓરિસ્સા, ઝારખંડ, મધ્યપ્રદેશ, હરિયાણા, હિમાચલ પ્રદેશ, રાજસ્થાન વગેરેમાં બીલીના વૃક્ષો વધુ પ્રમાણમાં જોવા મળે છે. સામાન્ય રીતે આ વૃક્ષ બાગ બગીચાઓ, મંદિરના બગીચા, રસ્તાની બાજુ પર અને ઘરના વાડામાં ઉગાડવામાં આવે છે.

તાજેતરમાં, રાજય કૃષિ યુનિવર્સિટીઓ તેમજ ભારતીય કૃષિ અનુસંધાન પરિષદ દ્વારા બીલીની કેટલીક જાતો વિકસાવવામાં આવેલ છે. જેમાં પંત શિવાની, પંત અપર્ણા, પંત ઉર્વશી, પંત સુજાતા, નરેન્દ્ર બીલી 5, નરેન્દ્ર બીલી - 9, સી.આઈ.એસ.એચ. - બી - 1, સી.આઈ.એસ.એચ. - બી - 2 વગેરેનો સમાવેશ થાય છે. 

• બીલીના ગુણો : 

બીલીના પાન, ફળ, છાલ તેમજ મૂળમાં વિવિધ ઉપયોગી રસાયણો જેવા કે આલ્કલોઇડઝ, કુમેરીન, સ્ટીરોઇડ, થાયામીન, રીબોફલેવીન તથા વિટામીનો પણ સારા પ્રમાણમાં રહેલા છે.

૦ બીલી ફળ :  

બીલી ફળ અંડાકાર અથવા ગોળાકાર આકારનું  હોય છે અને તેનું કદ (વ્યાસ)  5 થી 25 સે.મી. જેટલું હોય છે. ફળમાં સખત, લાકડા જેવો બાહ્ય ભાગ હોય છે અને અંદર એક મીઠો, ઘટ્ટ અને સુગંધિત માવો (પલ્પ) હોય છે. માવાનો રંગ તેજસ્વી નારંગી જેવો પીળો હોય છે, જે કુદરતી એન્ટિઓકિસડન્ટ અને બાયોએક્ટિવ સંયોજનોનો પ્રાકૃતિક સ્ત્રોત માનવામાં આવે છે.

> બિલી ફળના લાભો : 

હૃદય અને મગજ માટે ઔષધિ તરીકે ઉપયોગમાં લઇ શકાય છે.

• બીલીના ફળો પાચન ક્રિયાને પ્રોત્સાહન આપે છે તેમજ આંતરડાના ચેપમાં લાભદાયી છે.

• મરડો, અતિસાર, અલ્સર અને પાઇલ્સમાં દવા તરીકે પણ ઉપયોગી છે.

• કોલેસ્ટેરોલ અને મધુપ્રમેહને નિયંત્રણમાં રાખે છે.

• વિવિધ બીમારીઓ જેવી કે તાવ, વાઈ, કેન્સર, લોહીનું શુદ્ધિકરણ, કોલેરા, પાંડુરોગ તથા અસ્થમાં જેવી શ્વસન સમસ્યાઓમાં ખૂબ જ લાભદાયી છે.

• ત્વચા રોગમાં : ફળના પાઉડરનો ઉપયોગ દાઝવાથી થયેલ ઈજાને મટાડવા પણ થાય છે. 

બીલીમાંથી મૂલ્ય વર્ધિત બનાવટો જેવી કે જ્યુસ, બેવરેજ, કેન્ડી, જામ, પાઉડર, પંજરી વગેરે બનાવી શકાય છે. આ બનાવટમાંથી જ્યુસ અને કેન્ડી બજારમાં ઉપલબ્ધ છે. બીલીમાંથી મેળવેલા ઉત્પાદનો ખૂબ પૌષ્ટિક તેમજ તંદુરસ્ત છે. 

૦ બીલીપત્ર : 

બીલીપત્ર સુગંધિત, ત્રણ પાંદડાનું ઝૂમખું હોય છે, જે શંકર ભગવાનના પુજનમાં ચડાવવામાં આવે છે.

> બીલીપત્ર (પાનનો અર્ક) ના લાભો : 

• આંખના રોગોમાં બીલીના પાન વાટીને આંજવામાં આવે છે. 

• દશમૂળ નામની આયુર્વેદિક બનાવટમાં બીલીના પાન વપરાય છે. 

• અલ્સરમાં પાંદડાઓનો અર્ક વપરાય છે વિવિધ બીમારીઓ જેવી કે મધુપ્રમેહને નિયંત્રણમાં રાખવા, પીઠનો દુઃખાવામાં રાહત, ઉલટી, હૃદયની નબળાઇ, શ્વાસનળીનો સોજો, અતિસાર, જલોદર, વિટામિન બી 1 ની ઊણપથી થતો રોગ (બેરીબેરી) વગેરેમાં ઉપયોગી છે. 

• શરીરની ઈજા જેમ કે કપાયેલ ભાગ તથા પ્રાણીઓ દ્વારા થતી ઇજાઓમાં પાનનો અર્ક રૂઝ લાવવામાં ઉપયોગી છે. 

• બીલીના પાનનો તાજો રસ રેચક છે. 

• બીલીપત્રમાંથી નીકળેલું તેલ શરદી અને ખાંસીથી રક્ષણ આપે છે અને વાળ માટે ટોનિક તરીકે ખૂબ જ ઉપયોગી છે. 

• બીલીપત્ર પશુચિકિત્સામાં ઘા અને ઘાસચારા માટે પણ ખૂબ જ મહત્વ ધરાવે છે. 

૦ બીલીના વૃક્ષની છાલ : 

છાલ નિસ્તેજ બદામી અથવા ભૂખરા રંગની, સરળ, લાંબી સીધી કરોડરજ્જુથી સજ્જ હોય છે.

> બીલીના વૃક્ષની છાલના (છાલનો અર્ક) લાભો :

• મૂળની છાલની અલ્કોહોલિક અર્ક હાઈપોગ્લાયકેમિઆ (લો બ્લડ શુગર) માં લાભદાયી છે.

• અર્ક શરીરના વિવિધ રોગો (તાવ, સંધિવા, હૃદયના વિકારો, ગેસ્ટ્રિક મુશ્કેલીઓ વગેરે ) મટાડવામાં ઉપયોગી છે. 

• હૃદયના ધબકારા અને મેલાકોલિયા (ઉદાસીની લાગણી) ના ઉપાયમાં વપરાય છે. 

• કુતરાના કરડવાથી થતા વિકારોમાં પણ ફાયદાકારક છે. 

ઘણીવાર કાપેલા ભાગોમાંથી પાતળો સત્વ (ગુંદર) નીકળે છે. છાલનો ગુંદર જે કપાયેલ શાખાઓમાંથી મળે છે અને લાંબા સેરમાં લટકે છે, ધીમે ધીમે નક્કર બને છે. જેનો ઉપયોગ અલ્સર અને મરડામાં થાય છે. 

બિલીપત્રના ઝાડના પાંદડા થડનો ઔષધિય ગુણ અને ઉપયોગઉપયોગ


૦ બીલીના ફૂલો : 

ફૂલ મોટા ભાગે પાંચ પાંખડીવાળા મીઠી સુગંધ ધરાવતા અને સફેદ રંગના હોય છે. 

> બીલીના ફૂલો (ફૂલોનો અર્ક) ના લાભો : 

• ફૂલોની નિસ્યંદન પ્રક્રિયાથી મળતું અર્ક પેટના રોગોમાં, મરડો, મધુપ્રમેહ, ડાયફોરેટિક (ખૂબ પરસેવો થવો) વગેરેમાં ઉપયોગી છે. 

• ફૂલોનો અર્ક સ્થાનિક એનેસ્થેટિક તરીકે પણ વપરાય છે.

• વાઈના ઇલાજ તથા ઉધરસમાં અર્ક ઘણો લાભદાયી છે. 

૦ બીલી ફળના બીજ : 

ખૂબ જ કઠણ, પાતળા, પારદર્શક ચીકણા ગૂંદરથી ઘેરાયેલા હોય છે, જે સૂકાઈ જાય ત્યારે સખત બને છે. બીજ તેલ બાહ્ય જગ્યા પર જીવાણુનાશક અને ફૂગનાશક ગુણ ધરાવે છે.


બીલીનો ઉપયોગ હજી પણ માત્ર મર્યાદિત ક્ષેત્રમાં કરવામાં આવી રહ્યો છે અને મૂલ્યવર્ધિત બનાવટોની બાબતમાં તેના વ્યાપારીકરણ માટે વધારે ભાર આપવાની જરૂરિયાત છે. બીલીના 'વૃક્ષના વિવિધ હેતુઓ માટે વ્યાપક સંભાવના પર ધ્યાન આપતા, આ વૃક્ષને મોટા પાયે ખાસ કરીને બિનઉત્પાદક અને ઓછી ફળદ્રુપ જમીન પર ઉગાડવું યોગ્ય છે. કેમ કે તે પ્રતિકૂળ કૃષિ - આબોહવાની પરિસ્થિતિમાં પણ વિકાસ કરી શકે છે, જેથી કરીને આવી જમીનનો ઉપયોગ થઈ શકે અને તેનો ઉપયોગ ઔષધિય ઘટકો તરીકે મોટા પાયે થઈ શકે. ઉપરોક્ત બાબતોને ધ્યાનમાં રાખીને તેનો પ્રચાર અને પ્રસાર કરવાની ખાસ જરૂરિયાત છે. જેનાથી ઔષધિય ઉત્પાદન કરતા એકમોને પણ પૂરતા પ્રમાણમાં ઉપલબદ્ધતા થઈ શકે અને તેનો ઉપયોગ ભવિષ્યમાં મનુષ્યના જુદા જુદા રોગો માટે વ્યાપક પ્રમાણમાં થઈ શકે

Share:

કમરખ (BENEFITS OF STAR FRUIT) ના લાભ

 કમરખ એક - લાભ અનેક

"કમરખના ફળ દેખાવમાં સ્ટાર (તારા) જેવું લાગે છે, તેથી તેને 'સ્ટાર ફ્રૂટ' પણ કહેવામાં આવે છે. આ ફળ કાચા હોય ત્યારે લીલા અને પાકે ત્યારે આછા પીળા રંગના હોય છે. દરેક ફળની પહોળાઈ 6 થી 13 મીમી જેટલો હોય છે. મુખ્યત્વે બે પ્રકારના ફળ હોય છે: એક ખાટા કે તીખો અને બીજો સ્વાદે મીઠો હોય છે. તેના સ્વાદ અને ઔષધીય ગુણધર્મોને કારણે તે ખૂબ જ પસંદ કરવામાં આવે છે. " તેનું વૈજ્ઞાનિક નામ એવોરોઆ કેરેમબોલ (Averrhoa carambola) છે અને તે ઓકઝાલિડેસી (Oxalidaceae) કુળની વનસ્પતિ છે. 

કમરખના ઔષધિય ગુણ અને ઉપયોગ અને ફાયદા


વિદેશોમાં કમરખના જામ અને જેલી ખૂબ જ પ્રચલિત છે, પરંતુ આપણા દેશમાં તે ફક્ત કાચા જ ખવાઈ છે. દિલ્હીની દરેક શેરીઓમાં તમને તે ચાટના ઠેલા પર જોઈ શકશો. તેનો સ્વાદ શક્કરિયાના ચાટ સાથે અદ્ભુત લાગે છે. 


તે નાના કદનું, ક્ષુપ જેવું, ધીમે વધતું વૃક્ષ છે અને ઉપરના ભાગે પહોળી પર્ણની છત્રી (ક્રાઉન) જોવા મળે છે. પર્ણ એકાંતરે, સંયુક્ત પીંછાકાર પ્રકારના, જેમાં 4 - 6 જોડ પર્ણિકાઓ અને એક વધારાની પર્ણિકા છેડા પર જોવા મળે છે. ફૂલો ગુલાબી કે જાંબુડી રંગના, પર્ણના આધાર પરથી અને શાખાઓના છેડેથી ગુચ્છામાં નીકળે છે. ફળ અંડાકાર, 5 ઉપસેલી ધારોવાળું, કેસરી - પીળા કે પીળા - લીલા રંગનું અને પાતળી મીણ જેવી ત્વચાવાળું હોય છે. તેનો કેસરી - પીળા ભાગ દળદાર અને ક્રિસ્પી, રચના સફરજન જેવી; અને સ્વાદ ખાટો મીઠો હોય છે.


સ્ટારફ્રૂટનું મૂળ વતન દક્ષિણ અને દક્ષિણપૂર્વ એશિયાના ઉષ્ણકટિબંધીય પ્રદેશો છે, જેમાં શ્રીલંકા અને મોલુકાસ તેનું સંભવિત મૂળ કેન્દ્ર મનાય છે.  હવે તે ઉષ્ણકટિબંધીય અને ઉપ ઉષ્ણકટિબંધીય પ્રદેશોમાં મુખ્યત્વે ઘરના બગીચાઓમાં ઉગાડવામાં આવે છે.

कमरख के फायदे

BENEFITS OF STAR FRUIT


• કમરખમાં પોષકતત્વો

અનેક પ્રકારના સ્વાસ્થ્ય લાભો પૂરા પાળનાર કમરખના ફળમાં ઘણાં પોષક તત્વો હોય છે.  કમરખમાં વિટામિન ‘એ’, ‘બી’ અને ‘સી’ તેમજ ફોસ્ફરસ, જસત, કેલ્શિયમ, મેગ્નેશિયમ, સોડિયમ, પોટેશિયમ અને આયર્નની માત્રા સારી હોય છે. તેમાં એન્ટીઓક્સિડન્ટો, ક્વાસેટીન અને ગેલિક એસિડ જેવા પોલિફેનોલિક સંયોજનો હોય છે.  


આ ફળ આપણા સારા સ્વાસ્થ્ય માટે ખૂબ ઉપયોગી છે. તેના સેવનથી આપણને દીર્ધાયુષ્ય તેમજ સુંદરતા મળી રહે છે. આને કારણે, આપણા શરીરમાં ખનિજો અને વિટામીનોની પૂર્તિ થાય છે, જે આપણા શરીરના કાર્ય માટે ખૂબ જ મહત્વપૂર્ણ છે. રેસાવાળા ફળ આપણી પાચક શક્તિ વધારવામાં મદદ કરે છે. તેને ખાવાથી પર્યાપ્ત ઉર્જા મળે  છે. કમરખના કારણે શરીરને થતાં ફાયદા નીચે આપેલા છે.


• પાચન માટે મહત્વપૂર્ણ

તેમાં મહત્વપૂર્ણ વિટામિન અને ખનિજો જોવા મળે છે, તેનાં સેવનથી પાચન શક્તિ પણ સ્વસ્થ રહે છે.  જો કે કોઈપણ પ્રકારનાં ફળ એકંદરે આરોગ્ય માટે ફાયદાકારક છે, પરંતુ વિશિષ્ટ પોષક તત્વોની અધિક માત્રાવાળા ફળ જેવા કે કમરખ વધુ ફાયદાકારક હોઈ શકે છે.  


• વાળ માટે ફાયદાકારક 

સ્વસ્થ આહાર વાળને મજબૂત અને ચમકદાર રાખવામાં મદદ કરી શકે છે. તમે જે ખાશો તે તમારા વાળ ગુમાવવાથી બચાવી શકે છે. જો તમને ખાદ્યપદાર્થોમાંથી કેટલાક પોષક તત્વો ન મળી રહ્યા હોય, તો તમારે તમારા વાળના સ્વાસ્થ્ય માટે ઉપયોગી એવા ફળ ખાવા જોઈએ. ઘણા લોકોને વાળ ન વધવાની સમસ્યાનો સામનો કરવો પડે છે.  ખાસ કરીને મહિલાઓ વાળના વિકાસ માટે, વિટામિન 'બી' સંકુલ જરૂરી છે, જે તેમના શરીરમાં ઉણપ હોય છે. આને કારણે, તેમના વાળની ​​વૃદ્ધિની પ્રક્રિયા ધીમી પડે છે. કમરખમાં પુષ્કળ વિટામિન 'બી' સંકુલ જોવા મળે છે, જે વાળની ​​વૃદ્ધિની પ્રક્રિયાને વેગ આપે છે અને વાળને મજબૂત બનાવે છે.  

કમરખના ફાયદા


• ચામડીના રોગો

તેમા એવા ઘણા પોષક તત્વો હોય છે, જે એન્ટિમાઇક્રોબાયલ છે. ખરજવું અને ચામડીના રોગોની સારવાર કરવામાં મદદ કરે છે.  


• ચમકતી ત્વચા માટે 

દરેક ઉંમરના લોકો આ ફળનો ઉપયોગ કરી શકે છે.  કમરખમાં તમામ જરૂરી પોષક તત્વો જોવા મળે છે, જે ચમકતી ત્વચા માટે જરૂરી છે. આમાં ઝીંક ઉપરાંત ઘણા ખનિજો અને વિટામિન શામેલ છે.  આ ઔષધીય ફળમાં એન્ટીઓક્સિડન્ટો પણ સારી માત્રામાં હોય છે. 


• વજન ઓછું કરવા

ઘણા લોકો વજન વધવાની સમસ્યાથી ખૂબ જ ચિંતિત હોય છે, પરંતુ તેમનું વજન ઓછું થતું નથી.  કમરખ એક એવું ફળ છે, જેનું સેવન સ્વાસ્થ્ય માટે ફાયદાકારક છે પણ વજન ઘટાડવા માટે પણ ફાયદાકારક છે. તમે તમારા ખોરાકમાં તેનો ઉપયોગ કરીને તમારું વજન ઘટાડી શકો છો. કમરખમાં કેલરીની માત્રા ઓછી અને ફાઇબરની માત્રા વધુ હોય છે.


• હૃદયરોગની સારવારમાં સહાયક 

કમરખ આપણને હૃદયરોગથી બચાવવામાં મદદ કરે છે, કારણ કે તેમાં વિટામિન બી -9 છે, જે હૃદયની બિમારીઓથી બચાવવા માટે જરૂરી છે. કમરખમાં રાયબોફ્લેવિન, નિયાસિન, થાઇમિન, વિટામિન 'એ', 'બી', 'સી' અને 'બી -5' વગેરે શામેલ છે, જે હૃદયની બિમારીઓ સામે રક્ષણ આપે છે. તમે તેનો ઉપયોગ તમારા હૃદયને સ્વસ્થ રાખવા માટે કરી શકો છો.  આ તમારા હૃદયને સ્વસ્થ રાખવામાં અને કાર્યક્ષમતા વધારવામાં મદદરૂપ થઈ શકે છે. કારણ કે કમરખ ફળમાં પોટેશિયમની માત્રા વધુ હોય છે અને મધ્યમ માત્રામાં કેલ્શિયમ હોય છે. આ શરીરમાં યોગ્ય બ્લડ પ્રેશર જાળવવામાં મદદગાર છે. આ સિવાય તેમાં હાજર અન્ય પોષક તત્વો પણ રુધિરવાહિનીઓને સ્વસ્થ રાખે છે, જે રક્ત પરિભ્રમણને સુધારવામાં મદદ કરે છે. કમરખના નિયમિત સેવનથી તમારું હૃદય સ્વસ્થ રહે છે. જે તમને ઉર્જા આપનાર અને તમારા હૃદયને સ્વસ્થ રાખનાર એક આહાર હોઈ શકે છે.


• ભૂખ વધારવા માટે

ભૂખ ન લાગે તેવા લોકો માટે કમરખ ખૂબ ફાયદાકારક છે. તમે સવારે એક ગ્લાસ કમરખના ફળનું જ્યુસ ખાંડ સાથે મિક્ષ કરી પી શકો છો, એવું કરવાથી તમને ભૂખ લાગવી શરૂ થશે.  


• કફ, પિત્ત અને લોહીના વિકાર 

જે લોકો ધૂમ્રપાન કરે છે અથવા જે લોકો ધૂમ્રપાન કરનારની આસપાસ રહે છે તેઓને કફ, પિત્ત અને લોહીના વિકારની સમસ્યા ઘણી વાર થાય છે. આ સમસ્યાથી છૂટકારો મેળવવા માટે, કમરખ ખૂબ જ ફાયદાકારક છે. આ માટે, તેને સારી રીતે ગ્રાઇન્ડ કરો. હવે તેને ધીમી આંચ પર ચોથા ભાગ રહે ત્યા સુધી પકાવો. ચોથા ભાગ બન્યા પછી થોડી વાર ઠંડુ થવા દો. ઠંડુ થયા પછી તેમાં સિંધાલું, કોથમીર, જીરું વગેરેની યોગ્ય માત્રાને પીસીને મિક્સ કરો. આ બધાને બરાબર મિક્ષ કરી સરકો તૈયાર કરો. આ સરકો દર્દીને સવાર-સાંજ 7 થી 10 ગ્રામ  આપવાથી લોહીના વિકાર, કફ અને પિત્તની સમસ્યા દૂર થાય છે.  


• હાડકાં મજબૂત 

તમે હાડકાં મજબૂત કરવા માટે કમરખના ફળ ઉપયોગ કરી શકો છો. આ ફળમાં મેગ્નેશિયમ, આયર્ન, કેલ્શિયમ, જસત અને ફોસ્ફરસ સારી માત્રામાં હોય છે. આ બધા પોષક તત્ત્વો તમને હાડકાની ઘનતા વધારવામાં અને ઓસ્ટિઓપોરોસિસને રોકવામાં મદદ કરી શકે છે.  ઓસ્ટીયોપોરોસિસ ઘણીવાર વૃદ્ધ મહિલાઓ અને પુરુષોમાં જોવા મળે છે. 


• ઉર્જા અને તાજગી આપવામાં મદદરૂપ

આજના વ્યસ્ત જીવનમાં, આખો દિવસ કામ કરવાને કારણે, વ્યક્તિ થાકની સાથે આળસ પણ અનુભવે છે. કમરખના સેવનથી તમારા શરીરમાં નવી ઉર્જાનો સંચાર થાય છે અને તમે તાજગી અનુભવો છો. તેના ઉપયોગ માટે કાળા મરીનો પાઉડર, ખાંડ અને જીરું પાવડર કમરખના ફળ પર નાખો. હવે તેનો ઘોળ તૈયાર કરો. તેના ઘોળનું સેવન કરવાથી તમારા શરીરને નવી તાજગી અને શક્તિ મળશે, જેથી તમારું હૃદય અને મન સારી રીતે કાર્ય કરી શકશે.  


• રોગપ્રતિકારક શક્તિ વધારવા માટે 

શરીરમાં આયર્ન અને ખનિજ ક્ષારના અભાવને કારણે પ્રતિરક્ષા ઓછી થાય છે. આવા લોકોએ કમરખનું સેવન કરવું જોઈએ. તેમાં વિટામિન 'સી' હોય છે આને કારણે પોષક તત્ત્વોનું પ્રમાણ વધે છે.  આને કારણે તે આપણા શરીરની પ્રતિરક્ષા વધારવામાં મદદ કરે છે.  


• માતાનું ધાવણ વધારવા

આ ફળના ફાયદા મહિલાઓ માટે પણ જાણીતા છે.  ઘણીવાર ઘણી સ્ત્રીઓએ બાળજન્મ પછી ધાવણ ઉત્પન્ન થતું નથી. આવી માતામાં ધાવણ ઉત્પાદન ક્ષમતા વધારવા પરંપરાગત રીતે તેનો ઉપયોગ કરવામાં આવે છે.  આમ તેમના નવજાત શિશુને પર્યાપ્ત આહાર મળે. આ ઉપરાંત, આ ફળનો ઉપયોગ એ સ્ત્રીઓ માટે થાય છે જેમને માસિક સ્રાવમાં વિલંબ થતો હોય છે. આ ફળનો નિયમિત વપરાશ મહિલાઓમાં માસિક સ્રાવને પ્રોત્સાહિત કરી શકે છે. કમરખના સેવનથી માતાનું ધાવણ પણ વધે છે.  


• કોલેસ્ટ્રોલ ઘટાડવામાં મદદરૂપ

કમરખમાં કોપર જોવા મળે છે જે કોલેસ્ટ્રોલનું સ્તર ઘટાડવામાં મદદ કરે છે. આ ફળ હૃદયને સ્વસ્થ રાખવા માટે ફાયદાકારક છે. કમરખના ફળમાં કુદરતી ચરબીનું પ્રમાણ ખૂબ ઓછું છે. આ સાથે, તેમાં વધુ પ્રમાણમાં ફાઇબર હોય છે. આ રીતે ચરબીની ઓછી માત્રા તમારા શરીરમાં વધારે ચરબી એકઠા થવા દેતી નથી. આ ઉપરાંત, ફાઇબર તમારા મેટાબોલિક રેટમાં વધારો કરે છે, જેના કારણે ચરબીનો ઉપયોગ વધારે થાય છે. આ રીતે તે તમારા શરીરમાં કોલેસ્ટ્રોલનું યોગ્ય સ્તર જાળવવામાં મદદ કરે છે. આ સાથે, કમરખ શરીરમાં હાજર ખરાબ કોલેસ્ટ્રોલનું સ્તર ઘટાડવામાં અને સારા કોલેસ્ટ્રોલનું સ્તર વધારવામાં મદદ કરી શકે છે. એટલે કે, હાર્ટ એટેક, સ્ટ્રોક અથવા કોરોનરી હ્રદય રોગની શક્યતા ઘટાડી શકાય છે.


• ડાયાબિટીઝમાં ફાયદાકારક 

અભ્યાસ સૂચવે છે કે અદ્રાવ્ય ફાઇબર ગ્લુકોઝના સ્તરને નિયંત્રિત કરી શકે છે. આ રીતે, કમરખ ડાયાબિટીઝની અસરો અને લક્ષણો ઘટાડી શકે છે.  અદ્રાવ્ય રેસા શરીરમાં ઇન્સ્યુલિનના સ્તરને નિયંત્રિત કરવામાં મદદ કરે છે. આને કારણે, ડાયાબિટીઝથી મુક્તિ મેળવવા ઇચ્છુક લોકો માટે કમરખના ફળ એક આદર્શ આહાર બને છે. તમે તમારા શરીરમાં બ્લડ સુગરને કાબૂમાં રાખવા માટે કમરખથી પણ લાભ મેળવી શકો છો.

Share:

ઓક્સિજન આપતા વૃક્ષો- લીમડો

ઓક્સિજન આપતા વૃક્ષો- લીમડો

#ઓક્સિજન, પ્રાણવાયુ આપતા વૃક્ષોને વાવીએ એમનો જતન કરીએ...

કડવા લીમડાના ગુણ હોય છે મીઠા..!!

#લીમડો ઔષધિય ગુણોનો ભંડાર ધરાવતું લીમડાનું વૃક્ષ એક એવો વૃક્ષ છે જેના ધાર્મિક મહત્વ વિશે બહુ ઓછા લોકોને જાણકારી હોય છે.

આવો આજે આપણે જાણીએ આયુર્વેદની રીતે ખૂબ જ ઉપયોગી એવા કડવા લીમડાના મીઠા ગુણો વિશે...

લીમડાના પાન, મહોર, ખાલ, સાલ, દાતણનો ઔષધિ તરીકેઉપયોઘ


ભારતીય સંસ્કૃતિમાં વિવિધ પ્રકારના વૃક્ષો ધાર્મિક તેમજ વૈજ્ઞાનિક દ્રષ્ટિકોણથી ખૂબ જ ઉમદા ઉપયોગી મહત્વ ધરાવે છે. જેમાંથી એક છે કડવો પણ ગુણોનો ભંડાર ધરાવતો એવો લીમડો...

લીમડો દિવસે સારા એવા પ્રમાણમાં ઓક્સિજન આપે છે, અને રાત્રે કાર્બન ડાયક્સાઈડ છોડે છે!

આપણી સંસ્કૃતિમા માનવજીવનમાં લીમડાનો ઝાડ એક અનન્ય મહત્વ ધરાવે છે, જે ખાસ કરીને આયુર્વેદની રીતે વિવિધ પ્રકારના રોગોના નિદાન માટે એક ઉપયોગી ઉપચાર ધરાવતું સ્વાસ્થય વર્ધક વૃક્ષ છે.

લીમડાનો ઝાડ જે અન્યવૃક્ષોની જેમ ફળ આપતું વૃક્ષ છે. જેના ફળને બોલચાલની ભાષા એ લિંબોડી તરીકે ઓળખાય છે. લીમડાના પાન, અને જેમાંથી લીંબોડી પાકે છે એવા નાના ફુલો પણ ઘણી બધી બિમારીઓમાં, ત્વચા માટે  ઉપયોગી હોય છે.

લીમડા નો ફળ લિંબોડીની મહત્વતા સમજીએ તો લીંબોડી નો તેલ એ ખરતા વાળ અને ખોળા જેવી સમસ્યાઓમાં ઉપયોગી થાય છે, લિંબોડીને પાણી મા ઉકાળ્યા પછી એ પાણી પીવાથી પ્રોસ્ટેટ કીડનીની સમસ્યાઓ દૂર થાય છે એવું પણ વંચાણે નોંધ લીધેલ છે. લિંબોડીમાં એન્ટીએન્જીંગ ગુણ હોય છે, જે ત્વચાને યુવાન રાખવા મદદરૂપ થાય છે, પેઢાની સમસ્યા, મોઢાની દુર્ગંધ એ લિંબોડીના પેસ્ટથી દૂર કરી શકાય છે.

ચૈત્ર મહિના દરમિયાન ધાર્મિક દ્રષ્ટિએ લીમડાનો મહત્વ ખૂબ જ સ્વિકારાયું છે. જે બાબતે અમૂક લોકોને જ જાણ હોઈ શકે છે. ગુડી પડવાના દિવસે લીમડાના ફુલ્લ, પાન ભગવાનને પણ ધરવામાં આવે છે. ખાસ કરીને ચૈત્ર માસમાં મહત્વ અપાતા લીમડા વિશે કહીએ તો એ આપણા માટે બારેમાસ સંજીવની સમાન વૃક્ષ છે.

લીમડાનો વૃક્ષ એ ઘણી બધી જગ્યાઓએ પુષ્કળ પ્રમાણમાં જોવા મળે છે. જે મુખ્યત્વે ભારત, પાકિસ્તાન, બાંગ્લાદેશ, મ્યાનમાર, શ્રીલંકા, મલેશિયા મા જોવા મળે છે. જે ઉષ્ણકટીબંધ અને પેટા ઉષ્ણકટીબંધીય વિસ્તારોમાં મોટા પ્રમાણમાં ઉગે છે, જેને દેશી તેમજ વિદેશી ભાષાઓમાં વિવિધ નામોથી ઓળખવામાં આવે છે.

આયુર્વેદની દ્રષ્ટિએ વિવિધ પ્રકારના રોગોમા લીમડાના ફળ એટલે કે લિંબોડી, કુણા ફુલ્લ, પાંદડાઓ, છાલ અને એની દાળીઓ વગેરે અલગ અલગ પ્રકારના રોગો બિમારીઓમાં આયુર્વેદની રીત પ્રમાણે ઉપયોગે લેવાય છે.

લીમડાની ઔષધિય ઉપયોગિતા કીડનીની પથરી, મેલેરીયા જેવા ઝેરી તાવ, ત્વચા અને ચામડીના રોગો, ખાંસી તેમજ પેટમા થતા કીડાઓ, દાંતોની પાયેરીયા જેવી બિમારી, ચહેરાના ખીલ, કાનની સમસ્યાઓ દુ:ખાવો-પરૂ આવવું કે, હ્રદયરોગ, કમળો, અછબળા વગેરે અન્ય ઘણી બધી સમસ્યાઓમાં આયુર્વેદની દ્રષ્ટિએ જાણકારીઓ મેળવી લીમડાના ફુલ્લ, પાન, છાલ, લિંબોડી, પુંપળોનો વિવિધ પ્રકારના રોગ બિમારીઓમાં ઉપયોગ કરી શકાય છે. અને એના થકી સારા પરિણામો મેળવી ખૂબ જ સારા પ્રમાણમાં ફાયદાઓ મેળવી શકાય છે.

લીમડાના ગરમ પાણીથી ન્હાવાથી કે લીમડાના પાનની પથારી પર સુવાથી અછબળા થયેલ વ્યક્તિને રાહત મળે છે.

લીમડાના ગુંદરનો ઉપયોગ એ ડાયાબિટીસની દવાઓ મા લેવાતું હોય છે.

લીમડાના પાનને ઉકાળી એનો પાણી પીવાથી આપણા શરીરમાં થતા વિવિધ રોગો તેમજ ઈન્ફેકશનથી પણ આપણે બચી શકીએ છીએ, લીમડાના ફુલ્લો પણ ચાવી શકાય છે. લીમડાના દાંતણ કરવાથી દાંતોને ઘણો ફાયદો થાય છે, એ સાથે એનો રસાંગ પેટમા ઉતરવાથી આંતરડાની તકલિફો પણ દૂર થઈ શકે છે, બ્લડ પ્યુરિફાયર પણ થાય છે. એમ લીમડો વિવિધ રીતે આપણા માટે ઉપયોગી વૃક્ષ છે. જેનું એક જાગૃત વ્યક્તિ અને પર્યાવરણ પ્રેમિ, પર્યાવરણના રક્ષક તરીકે લીમડાનો લાલન પાલન સાથે જતન કરીએ એ આજના સમયમા અતિ આવશ્યક અને જરુરી છે. લીમડાનો વૃક્ષ જે હંમેશા નીલો રહી આપણને શીતળતા સાથે ઓક્સિજન આપે છે.

અહીં જે લીમડાની વિશે આલેખન કર્યું છે એ ખારો લીમડો ઝડપી વિકાસ પામતું વૃક્ષ છે, જે આશરે ૩૦ થી ૩૫ ફુટની ઘટ્ટાદાર ઉંચાઈએ જઈ શકે છે, જેનો થડ આશરે ચાર થી પાંચ ફુટનો પણ થઈ શકે છે.

લીમડા વિષયે વિશેષમાં મહત્વ સંદર્ભે ૧૯૯૧ મા દૂરદર્શન ટેલિવીઝન પર રાહી માસુમ રઝા દ્વારા લિખીત ટી.વી.સીરીયલ "નીમક પેડ" જેમણે જોઈ હશે કે,જો એ સીરીયલ જોશે તો તમોને લીમડાના ઝાડનું મહત્વ જાણવા અને માણવા સાથે જરુર સમજાઈ જશે.

વારંવાર આડેધડ કપાતા વૃક્ષોમાં લીમડાનું પણ નિકંદન કાઢવામા આવતું હોય છે એવા સમાચારો સાંભળી એક પર્યાવરણ પ્રેમિ તરીકે દુ:ખની લાગણી અનુભવીએ છીએ. ત્યારે આપણે સૌ જાગૃત વ્યક્તિ, પર્યાવરણપ્રેમિ તરીકે આપણે સૌ એ આગળ આવી લીમડાના ઝાડને કપાતા એનો આડેધડ નિકંદન કાઢવામાં આવતું હોય ત્યારે એને અટકાવવું જોઈએ.

આપણા જીવન માટે ખૂબ જ ઉપયોગી આપણા શરીરને નિરોગી રાખી શકે એવા મહામૂલ્ય લીમડાના વૃક્ષને આપણે આપણા ઘર આંગણે, શેરી કે મહોલ્લાઓમાં જ્યાં પણ લીમડો વાવી શકાય એવી યોગ્ય જગ્યાઓ એ લીમડાને વાવી અને એનો આજીવન ઉછેર કરવા સંકલ્પ લઈએ.

આવો આપણે સૌ લીમડા વિશે વિવિધ માધ્યમો દ્વારા આયુર્વેદની દ્રષ્ટિએ આયુર્વેદ ચિકિત્સકો દ્વારા સંપૂર્ણ જ્ઞાન મેળવી એની ઉપયોગિતા વિશે વધુ મા વધુ જાણીએ

નોંધ:- લીમડા ને ઘરની દક્ષિણ બાજુ એ વાવવું આપણાં આરોગ્ય માટે ખૂબ જ હિતાવહ હોય છે.

આ વિષય સંદર્ભે માહિતી મેળવી આલેખન કરેલ છે, ભૂલ ચૂક થતી હોય તો ધ્યાન દોરી આપના દ્વારા વિશેષ જ્ઞાનવર્ધક જાણકારી આપ કોમેન્ટબોક્ષમાં જણાવશો જેથી આપણે સૌને લીમડાના ઝાડની વિશિષ્ઠતા ઉપયોગીતા વિશે વિશેષ જાણકારી ઉપલબ્ધ થાય...

તસ્વિર:- પ્રતિકાત્મક

Share:

ઓક્સિજન આપતા વૃક્ષો- વડ

ઓક્સિજન આપતા વૃક્ષો- વડ

#ઓક્સિજન, પ્રાણવાયુ આપતા વૃક્ષોને વાવીએ એમનો જતન કરીએ...

#વડ એક એવું ઝાડ, જેનાથી ઘણાંય લોકોને વડ મા ભૂતનો વાસ હોય છે એવી વાતો થકી કદાચ ઓક્સિજન આપતા ઝાડના રક્ષણ માટે આવી ચર્ચાઓ ચગાવાઈ હોઈ શકે..!!

સત્ય એ છે કે, વડનું ઝાડ જેનો સૌથી વધુ ઓક્સિજન આપતા ઝાડમાં સમાવેશ થાય છે, એ ઓક્સિજન આપતા ઝાડ વડનો વૃક્ષ ધાર્મિક મહાત્મય પણ ધરાવે છે...

BANYAN TREE VAD NU ZAD BARGAD KA PED


વડના ઝાડમા લાલ કલરની ગોળ ગોળ ટેટી કે (ટેટા) થતા હોય છે, જે ખાવામાં ખૂબ જ લિજ્જતદાર મજેદાર હોય છે...

વડ ની વેલમાંથી દાતણ કાપી દંત મંજન પણ કરાય છે, વડની દાળના એ દાતણ થકી દાંતો મજબૂત અને ચમકદાર બને છે, લાંબા સમય સુધી વડની વેલમાંથી દાતણ કરવાથી એ દાંતો આજીવન પણે ટકે એવા બને છે...

વડનું ઝાડ લાંબુ આયુષ્ય ભોગવતું વૃક્ષ છે, જે ઘણાં લાંબા સમય સુધી અક્ષય રહે છે! એટલે આ વડના વૃક્ષને અક્ષયવૃક્ષ તરીકે ઓળખવામાં આવે છે...

આવો વૃક્ષોનું મહત્વ સમજી એનો જતન કરીએ,
આપણને ઓક્સિજન પુરું પાડતા પ્રાણવાયુ આપતા વૃક્ષને વાવીએ વડના ઝાડ નું જતન કરીએ એ આપણને પ્રાણવવાયું અર્પિત કરશે...

તસ્વિર:- પ્રતિકાત્મક

Share:

સફેદ વસ્ત્રોમાં તમે સંત જોયા છે ? તો હું કહીશ હા , આજે મેં દિયોદરના M.L.A. શ્રી શિવાભાઈ અમરાભાઇ ભુરીયા માં સંતના દર્શન કર્યા છે

સફેદ વસ્ત્રોમાં તમે સંત જોયા છે ? તો હું કહીશ હા, આજે મેં દિયોદરના M.L.A. શ્રી શિવાભાઈ અમરાભાઇ ભુરીયામાં સંતના દર્શન કર્યા છેશ્રેષ્ઠ શિક્ષક પારિતોષિક એવોર્ડ વિજેતા અંબારામભાઈ જોશી

જન સેવા કોવિડ આઈસોલેશન સેન્ટર, દિયોદર

परोपकारम ईदम शरीरम ।


સફેદ વસ્ત્રોમાં તમે સંત જોયા છે ? તો હું કહીશ હા , આજે મેં દિયોદરના M.L.A. શ્રી શિવાભાઈ અમરાભાઇ ભુરીયા માં સંતના દર્શન કર્યા છે. અંબારામભાઈ જોશી શ્રેષ્ઠશિક્ષક પારિતોષિક એવોર્ડ વિજેતા

SHIVABHAI BHURIYA MLA DEODAR

સમગ્ર દેશમાં કોરોના વાઇરશે હાહાકાર મચાવ્યો છે અને એમાંય વર્તમાન સમયે લોકોનું ઓક્સિજન લેવલ એકદમ નીચે જઈ રહ્યું છે ત્યારે આ મહામારીમાં બનાસકાંઠા અને દિયોદર તાલુકો પણ બાકાત નથી રહ્યો ત્યારે દિયોદર ના લોકપ્રિય સંત સમાં ધારાસભ્ય શિવાભાઈ ભુરીયા કે જેઓ 70 વર્ષ ની ઉંમરે પણ યુવાનોને શરમાવે તેવા અદમ્યજોમ ઉત્સાહભર્યા  પ્રજાવત્સલ અને સામાન્ય જન સેવામાં હમેશા અગ્રતા આપી લોકહિતેષી કાર્ય આદર્શ હાઇસ્કૂલ દિયોદર ખાતે કોરોના દર્દીઓ માટે જનસેવા ગૃપ કોવિડ આઈશોલેશન સેન્ટર દિયોદર ચાલુ કરી દવા, ડૉક્ટર, નર્સ, ઓકિસજન, ભોજન અને દર્દીના સગા માટે પથારી વ્યવસ્થા કરી સુંદર આયોજન સાથે ૨૪ કલાક ખડેપગે સેવા કરી રહ્યા છે.

ISOLATION CENTER ADARSH HIGH SCHOOL DEODAR

કોરોના સારવાર કેન્દ્ર દિયોદર

આજે ૫૦ થી પણ વધારે ઓકિસજન બેડ વાળા દર્દી હતા. એ સિવાય બીજા પણ ખરા,તેમની સાથે EX.M.L.A . અનિલભાઈ માળી સિનિયર એડવોકેટ શ્રીમાન બી.કે.જોષી, ડૉ.પ્રદિપભાઈ મહેશ્વરી આ સિવાય બીજા પણ ખરા કોઈ પણ ભય રાખ્યા વગર તન, મન અને ધનથી સેવામાં ખડેપગે હાજર તેમનું કામ અને મેનેજમેન્ટ દાદ માંગી લે તેવું , દિયોદર રેફરલમાં ઓકિસજન ની બોટલ ખૂટે તો ત્યાં પણ પહોંચતી કરવી સાચા લોકસેવક આમને કહેવાય “નર સેવા તે નારાયણ સેવા ” કોઈ પણ નાત જાત ના ભેદભાવ વગર લોકોની સેવા કરતાં જોઈ મને આ સેવાભાવી સજ્જનો માં ‘ઋષિ’ ના દર્શન થયા રોજની લાખો રૂપિયાની દવા ડોક્ટરો સાથે ૨૦ વધારે મેડિકલ સ્ટાફ આ બધાનું પોતાના સાહસથી કામ કરવું ખરેખર હિંમતને દાદ આપે તેવું કહેવાય અમેં શિવાબા અને બી.કે.જોષી સાહેબ ને સહજતાથી પૂછ્યું કે તમને આ ઉંમરે (આશરે ૭૦ વર્ષ) કોરોનાનો ડર લાગતો નથી તો કહે ભગવાને ત્યાં જરુર હશે તો લૈ જાશે ,હવે કાંઈ લાંબુ માલવાનું રહેતું નથી.

આવો નિરાભિમાની સરળ તેમનો જવાબ અમોને આજ ફૂલ નહીં તો ફૂલની પાંખડી રુપે અમારા મોભી ભદ્રસિંહ રાઠોડની પ્રેરણાથી આર્થિક સહયોગ કરવાનો મોકો મળ્યો.અને દર્દીઓ ની જે આ સેન્ટરમાં સેવા યજ્ઞ થાય છે તે સગી આંખે જોયું

ADARSH HIGH SCHOOL DEODAR

ત્યારે લખવાનું મન થાય છે કે-
સૂરતસે કિરત બડી,બીના પંખ ઉડી જાય,
સૂરત કોક દી ગિર પડે,કિરત અમર હો જાય.
વાતું રહેશે વીર ભલ્યું તણી ભાણના.

આ કોલમ ફેસબૂક ઉપર એક શ્રેષ્ઠશિક્ષક પારિતોષિક એવોર્ડ વિજેતા અંબારામભાઈ જોશી લખી છે ખરેખર વર્તમાન ધાારાસભ્ય માટે નું લખાણ અનુકરણીય છે અને વર્તમાંન સમયેે કામ શિવાભાઈ ભુરિયાનું વખાણવા લાયક છે તાલુકાની જનતા માટે મફત સારવાર ઓક્સસિજન સાથે ઉપલબ્ધ છે. દિયોદરમાં આદર્શ હાઇસ્કૂલ દિયોદર ખાતે કોરોના દર્દીઓ માટે જનસેવા ગૃપ કોવિડ આઈશોલેશન સેન્ટર દિયોદર ચાલુ છે જેનો લાભ લેવા અનુરોધ કરેલ છે.

Share:

Popular Posts

NOTICE BOARD

DAILY VISIT www.kamalking.in FOR ALL LATEST UPDATES.
www.kamalking.in. Powered by Blogger.

Copyright © All Information In Gujarati | Powered by Blogger

Design by Kamal King | Blogger Theme by kamalking.in